賣屋 - 很好的体驗

以下是我今早在多倫多開會聽到很好的体驗：

賣屋    
                     
"最近我遇到一個問題, 係需要我一定要去解決同跨越; 退縮或者唔理佢係無可能, 因為我覺得今次係無得返轉頭,  唯一就係向前將問題解決, 但正正係咁, 今次體驗令我大大加強咗對日蓮佛法嘅信心

事緣係咁, 由於計劃不足, 經驗不足, 而且初初係無咁緊急, 加上外在因素, 後來我發覺自己急需在好短時間內賣出間屋, 因為如果達唔到目標, 結果就係好大嘅經濟損失, 兩萬元的首期

間屋已經放上市場出售, 星期六日重安排咗開放日, 都有好多人來睇樓, 好少通過預約睇樓, 開放日俾我好壓力, 因為我日日都要執好間屋, 要執到見得人; 過咗兩個星期都無好嘅出價, 我開始好擔心, 而且開始覺得無希望

我記得讀過御書＂法華經兵法事＂裡面一句有關遇到困難時應有嘅態度, 後來我知道＂心唯貴耳＂係指”對妙法嘅信心係決定勝負嘅根本＂　於是我將問題交俾御本尊, 祈求一定要搵到解決方法

我開始加強題目, 而且決意一定要將煩惱跨越; 當時有買家出價, 不過價錢並未達到我預期. 到咗第三個星期我開地區座談會時將問題向其他會友講, 佢地鼓勵我, 我要好感謝大家嘅題目, 我繼續唱唸確信嘅題目, 祈求要遇上合適嘅買家

到咗星期四, 我收到一個短訊話下午一時有人睇樓, 於是早上唱題時我祈求依個一定係合適嘅買家, 而且向著合我心目中一個合理嘅價錢祈求

睇完樓後, 下午繼續又唱題, 果然有好消息, 買家要求同日晚上七時再睇過, 於是收到短訊後我當然繼續又唱題, 且. 到晚上十點，買家同意用我要求的價錢成交，重無任何附帶條件, 如按揭或成交日

我可以決定成交日, 對我嚟講真係一個解脫, 因為另一方面我新屋要如期成交, 所以我真係覺得好妙; 無晒壓力無晒顧慮, 我終於可以鬆一口氣

依個可算係第一個真正考驗我信心嘅煩惱, 因為我一定唔可以退縮, 只可以面對同跨越佢

Experience by: Jay Toronto Young Mens Division - Dec. 6, 2016